專題報導, 編輯的話, 遊戲新聞

『編輯的話。談香港電競』- 香港電競大不同

5 八月 , 2017  

『編輯的話。談香港電競』- 香港電競大不同


文筆唔好嘅我,今日想同大家講下香港電競哩個話題同個人見解!!!

記憶中Game Buster hk差唔多2013年開始構思,當時我只係集中談論做唔做手機遊戲!

因為果陣正正手機遊戲火紅火綠既時候,電競 兩隻字仲未出現,只會講果隻LoL有比賽同聽講果隊人背後有公司出錢!!

我諗直到星海爭霸有韓國人拿了冠軍再隔左段時間台灣加香港組成 TPA 拿到LOL冠軍!! 電競兩隻字就不停出現。

一直我對電競哩個話題都有小小反感 原因係香港大部份想賺哩筆錢的人都只係發神經

睇到人地財政報告話 電子競技 幾多百億市場 個個都話自己要做電競先驅!!

見股票網 講 電視財經節目又講!! 但香港真真正正做既人!?的確有一間公司!!但….我個人覺得照顧台灣市場多於香港!!!

我對一個關於電競小小睇法!!! 可能大家都唔會認同!!!但哩樣野我真係屈左好耐好想講!!!!

當大家只掛住講電競,獎金有幾高,可以將打機當做職業,廣告費有幾多 舊豬肉幾肥!?時候果D想靠電競搵食的人有無諗過電競 錢 從何來???

錢 係由廠商而來架,當然有好多玩家真係好熱情 LoL 街霸 都有我地香港人身影

每個接受訪問時候,都好似好慘咁 個個都靠自己好辛苦得到某公司/某廠商睇中 先叫有D飯食咁!!

但問題唔係你地幾辛苦,係香港成個遊戲界風氣!! 根本就吸引唔吸引到外國廠商黎投資!!

哩個我會係下文(電競與直播台主關係!!!)講。


電競出現後景象?!

自從電競出現後有大量粉絲,屁孩,廢青,真。猛料,傳媒 等等 都會用電競加打機有出色 等等黎推翻打機無出色哩傳統概念或借口。

首先發起 推翻打機無出色 唔係香港 係 台灣!!!!

一時間大量台灣戰隊出現各大比賽除左LOL,街霸冠軍,只要韓國歐洲有比賽對戰遊戲都唔難搵到台灣戰隊。

台灣LoL既戰圈又有明星加入黃立成,周杰倫投資。

各大電腦產品 開發電競產品 Mouse,Keyboard,底板。當然哩一堆產品出現絕對唔出奇!

因為好多人打電腦遊戲枉枉都會賴我隻Mouser唔夠人果隻準 又咩幾多DPI,機械式Keyboard又有咩幾多百個巨集設定 按鍵反應速度有多快,

我部電腦唔夠人快…哩類說話 否認自己唔夠人打!!!

哩個係我深信鄧鋒 講既: 工欲善其事,必先利其器既概念!! 名人,冠軍,明星 加各電腦產品一齊加入哩個推高電競既定位係專業產品牌頭!!

當然你望到台灣非常成功!! 但我認為除左冠軍,明星,廠商!! 最值得留意係第二個界別!!!!


電競與直播台主關係!!!

我認為台灣既成功不只單單一兩個冠軍就可以將一個行業推向一個高峰!!!

個人睇法係台灣一眾 台稱: 實況台/實況台主 先係真真正正 幕後功臣!!

Twitch一個直播遊戲網站 有睇過達哥,追開某直播台或網上電競比賽 都會上架啦。

但香港到今時今日都仲未分到Youtuber 同 Twitch直播台主!!

甚至用一D統稱 咩網絡紅人 最智障係Kol哩個字!!!

哩d正正就係無人留意既人將佢地分類做其他!

首先問一個小學雞問題你分唔分到

達哥係 Youtuber 定 Twitch直播?

大J係 Youtuber  點解你唔會認錯佢係直播台主?

你知道既香港實況台主/台又有幾多?

台灣

台灣實況!! 已經去到成熟到爛 分門別類(有職業選手,素人實況主,實況屋,美女,Coser….)

人地已稱 實況圈

有好多出名素人

實況台主 : 魯蛋 ,統神 ,六嘆  ,烏屎 多到都列唔哂

實況屋: 大天神(加加屋) 

美女: 葉子 , 天菜娘娘 , 蛋捲, Mita

以上既實況主 有簽左經理人公司,廠商贊助,主持,出活動,上節目,!

但點解人地會有廠商搵佢,首先係人地做直播玩法!!!

須然不外果幾味!!  但有一樣野係香港係同人地比 1:10

比例上 如果10個台灣人開CAM 只有1個香港人會開CAM露出自己個樣

而香港開CAM又正正經經係有,不過唔多,我所見仲有兩個係香港人,做直播多人睇但都係台灣發展。

連最多人識同開台都8-9000人既達哥,佢都係唔會有CAM 試問我係廠商搵你賣廣告?

你望下果D最搵笨既電競椅!! 就算人地想贊助你 你都要坐比人睇先得架!

香港都有人受贊助 不過就只係Facebook整張相或做個開箱文講聲多謝!

係你身上贊助!係希望你日日夜夜Show比人睇座佢地D櫈,你睇街霸比賽 個個都拿紅牛 點解啫 用你既名氣吸引人 買多D呀嗎!!!

試問 你睇到人地市場 五花百門 每日有過千人做直播!

而我每次打開Twitch 搵香港直播 就好似大海撈針 好難得搵到一個 佢擔住口煙!!! 妖媽拆蟹!! 無句正常!!!

有質數台有!!! 但係有D都係放工 訓一陣 半夜直播  試問 我係廠商 你唔係特然有一兩千人睇又點會留意到你呢!!!

又有D掛名直播台主!! 佢因為已有相關工作就變左直播台只係佢踏腳石 上左位 就唔再直播!!!!

最勁我睇過一個台 係某民間比賽 參賽者男朋友 開台鬧其他隊既人!!!

試問咁既風氣 你係廠商 你會投資嗎!?  人地台灣攪Lan Party 真係做D同遊戲網絡有關活動

台灣好多已叫全職實況主 已經係職業啦!!!

但反觀香港遊戲直播界別鬆散! 好多人會選擇不同平台做直播!

用Youtube,用Facebook,用其他平台,但都係一D唔會直接賺到錢

點解Twitch會咁吃香!! 因為可以加入直接donate可以直接比錢你!!!!Partner令你搵更加既錢!!!  你望下人地一個普通一個台主 你計計佢訂閱人數,再望下人地donate果舊錢!!!(有D人係Show出黎)你除返開起碼都夠基本生計, 哩D就係人地既遊戲界 直播界

難度認為Youtube等果小小分成!? Facebook等你儲夠人氣 變網紅!?

想攪電競 你都要有一個素人空間生活 ,首先香港遊戲界素人有生存空間就自然可以攪職業選手呀!!!!

其實同香港做運動員一樣架 你淨係叫人做黃金寶 李麗珊 咁你都要本身玩哩D活動既人搵到食先得架


電競音樂節

今日有感而發源自於電競音樂節,當我睇到哩個節目!!!!

Acer 係台灣一有同電腦 電競有關都見到大堆頭出現既牌子 但香港果檔野 我樓下個生果檔都大間過佢, Razer 岩岩登陸香港 ,Logitech哩D大會指定個檔大D唔出奇  ,

反而PlayStation仲搶眼過電腦品牌

由政府發起 識用Twitch做直播平台,我的確有小小希望,再睇港台澳隊都係一個夢幻組合呀(同埋邊個係澳門人唔係4個台灣人1個香港人咩?)點解係港台澳隊!!!

再睇下 除左LoL 世界邀請賽 叫有D睇頭!!! 其他都唔知想點!!!!

又驚死無人睇整多個音樂節!!咁電競係主定音樂節先係主!!!

搵你都搵網絡歌手 先叫推廣 網絡界 你搵韓星黎 睇果班係黎追星!!! 佢未必對你對抗賽有興趣架!!! 咁點推廣電競呀!!!!


最後結論!!!! 

本身我係支持香港電競,但唔係掛住哩兩個字攪D野出黎就係!!!

我睇到只係 人地攪英超 轉播權好搵!!! 你就整個港超 你覺得轉播有無人買呀!!!!

人地一個球星轉會費 已等於香港一個球員成世人都搵唔到既錢!!! 但果D人就淨係想搵球星轉會費 唔諗下個條件上 可以嗎!?

同非主流行業一樣 係香港做哩D行業 就係捱麵包,但外國就渣R8/法拉利

要推廣唔係比一百幾十萬 請人黎打幾場!!!! 玩兩日!!!就叫推廣電競!!

首先你係要整個遊戲界都生活到,先有人想表現!! 你無好既打機風氣,又邊有人願意全職打機!!

香港係有冠軍 但唔好諗住 一個兩個就可以賺人幾百億既錢!!! 連最基本遊戲界風氣都帶唔起!!! 又何來踏上世界舞台!!!

現在站在世界舞台既香港選手 係佢自己本身既努力!! 唔係一句電競 可以搵好多錢!!D錢就會入你袋!! 目光就會望你!!!

 

Facebook Comments

, ,

By  -      



Comments are closed.